အကြောင်းတော် တောင်ပေါ်ရေစီး
အကြောင်းတရား တိုက်ဆိုင်လာသည့်အခါ တောင်ပေါ်သို့ ရေစီးသည်ဆိုသကဲ့သို့ အကြောင်းသင့် သောအခါတွင် ဖြစ်ခေါင့်ဖြစ်ခဲ ကိစ္စ ဖြစ်ပေါ်လာသည်။
ဗျိုင်းတစ်ကောင်သည် အိုင်တစ်အိုင်မှ အစာကို ချီယူ၍ တောင်ထိပ်၌ နားကာ စားလေ့ရှိ၏။ တစ် နေ့သ၌ ထိုဗျိုင်းသည် တောင်ထိပ်၌ နား၍ တောင်အောက်မှ ချီလာသော ငါးကိုစားရင်း "ငါသည် နက် ဖြန် တောင်အောက်သို့ မဆင်းရဘဲ ဤတောင်ထိပ်မှာ နေလျက်ပင် ရေကို သောက်ကာ ငါးကိုရသော် အလွန် ကောင်းပေအံ့" ဟု တောင့်တ၏။ ထိုအချိန်မှာပင် သိကြားမင်းသည် အသူရာကို အောင်မြင်၍ နတ်စည်းစိမ် ခံစားလျက် "ငါ၏ အလိုဆန္ဒ ပြည့်၀ သကဲ့သို့ တစ်စုံတစ်ယောက်သောသူ၏ အလိုဆန္ဒ ကို ပြည့်ဝစေအံ့" ဟု ကြံပြီး ဆင်ခြင်ရာ ဗျိုင်းကို မြင်လေ၏။ သိကြားမင်းသည် နောက်တစ်နေ့တွင် ဗျိုင်း၏ အလိုဆန္ဒ ပြည့်ဝစေရန် တောင်နှင့် မနီးမဝေးမှ မြစ်တစ်ခုကို ရေအလျဉ်ဖြင့် ပြည့်အောင်ပြု ၍ ဗျိုင်းရှိရာ တောင်ထိပ်ပေါ်သို့ စီးစေ၏။ ဗျိုင်းသည် ထိုတစ်နေ့အဖို့ တောင်ထိပ်သို့ စီးသောမြစ်၌ နေလျက် ငါးများကို စား၍ ရေကို သောက်ကာ ချမ်းသာစွာ နေရလေ၏။ မြစ်သည် ထိုနေ့အဖို့သာ တောင်ပေါ်သို့ စီး၍ နောက်တစ်နေ့တွင် တောင်ပေါ်မှ လျှောကျကာ မူလအတိုင်း ပြန်လည် စီးဆင်း လေသည်။
No comments:
Post a Comment