မြန်မာစကားပုံနှင့် ဆိုရိုးစကားများ

      သူတစ်ပါးက မိမိအား ရန်ပြုလာသော် လုံးဝပြန်၍ ရန်မပြုပါနှင့်။

        နဟိ ဝေရေန ဝေရာနိ - နှင့် အတူတူ။

      ရှေးအခါက သူကြွယ်မတစ်ဦးသည် အရွယ်ရောက်လာသော သားအား သင့်လျော်သော အမျိုး သမီး တစ်ဦးနှင့် လက်ထပ်ထိမ်းမြားပေးရာ သားသမီး မထွန်းကားသဖြင့် သားဖြစ်သူအား အခြား အမျိုးသမီး တစ်ဦးနှင့် လက်ဆက်စေပြန်သည်။ ပထမဇနီးသည် နောက်ဇနီးအား သားသမီး မထွန်း ကား စေလိုသဖြင့် ပဋိသန္ဓေပျက်စီးအောင် အကြိမ်ကြိမ် ပြုလေသည်။ ထို့ကြောင့် ဒုတိယဇနီးသေ ဆုံး ရလေသည်။ သူတို့နှစ်ဦးသည် ဖြစ်လေရာ ဘဝများတွင် လက်စားချေနိုင်ကြောင်း ဆုတောင်း ခဲ့ရာ ကြက်နှင့်ကြောင်ဘဝတွင် ကြက်မွေးသမျှု ကြောင်စား၍ ကျားနှင့်သမင် ဘဝတွင် သမင်မွေး သမျှကို ကျားက စားပြန်လေသည်။ နောက်ဆုံး လူနှင့်ဘီလူးမ ဘဝတွင် ဘီလူးမက လူမွေးသမျှ သားသမီးတို့ကိုစားပြန်၏။ ဤသို့လျှင် ကျင်လည်ခဲ့သမျှသောဘဝများ၌ အပြန်အလှန်ရန်ငြိုးထား၍ သူနိုင်သူစား၊ ငါနိုင်ငါစား အချင်းချင်း ရန်ပွားခဲ့ကြသည်။ မြတ်စွာဘုရားသည် ထိုသူနှစ်ဦးအား "သင် တို့သည် ငါဘုရား ရှေ့မှောက်သို့ မရောက်လာ ခဲ့လျှင် မြွေ့နှင့်မြွေပါ၊ ဝံနှင့် ကြို့ပင်စောင့်နတ်၊ ကျီးနှင့် ခင်ပုပ်တို့ကဲ့သို့ ကမ္ဘာပတ်လုံး မဆုံးမချင်း ရန်ငြိုးဖွဲ့ကြ လိမ့်မည်။ ခိုက်ရန်တို့ မည်သည်ကား ရန်တုံ့ မမူသဖြင့်သာလျှင် ငြိမ်းပျောက်ကုန်၏။ ရန်တုံ့မူသဖြင့် မငြိမ်းမပျောက် သည်သာလျှင်တည်း”ဟု မိန့်တော်မူသည်။