အဖထက် သားတစ်လကြီး
(စကားပုံ)
အဖထက် သားတစ်လကြီး ဆိုသကဲ့သို့ မိဘဆရာသမားများကို ကျော်လွန်၍ လူသိလူတတ် လုပ်သည်။
ပုဂံပြည်နော်ရထာမင်းစောသည် သထုံကို တိုက်ခိုက်အောင်မြင်ရာ သထုံမင်း မိဖုရားနှင့်တကွ ပိဋကတ်တော်များ၊ ပညာရှင်များ၊ နတ်ရုပ်များကိုပါ ပုဂံသို့ ယူဆောင်စေသည်။ နတ်ရုပ်အများတွင် ရွှေညိုသင်နှင့် ရွှေစံကား နတ်သားအဖကို ဆောင်ယူရာတွင် ရွှေစံကားကို ဦးစွာဆောင်ယူ၍ ပုဂံ ရွှေစည်းခုံဘုရားတွင် ထားသည်။ အဖဖြစ်သူ ရွှေညိုသင်ကိုမူ တစ်လအကြာမှ ဆောင်ယူ၍ နိမ့်သော နေရာတွင် ထားသည်။ နော်ရထာမင်းသည် နတ်ရုပ် နှစ်ခုကို ကြည့်ရှုတော်မူ၍ သားဖြစ်သူ ရွှေစံကား တစ်လစော ရောက်သည်ကို ရည်ရွယ်လျက် "အဖထက် သားတစ်လကြီး" ပေသည်ဟု မိန့်ဆိုလေ သည်။
လောကပညတ္တိ။ ၇။
No comments:
Post a Comment