သမင်မွေးရင်း ကျားစားရင်း
(စကားပုံ)
ဘဝအဆက်ဆက် ရန်ဘက်ဖြစ်လာခဲ့ရာ တစ်ဦးက သမင်၊ တစ်ဦးက ကျားဘဝတွင် သမင်မွေး လိုက်တိုင်း ကျားက စားပစ်သကဲ့သို့ အကျိုးတစ်စုံတစ်ရာ ဖြစ်ပေါ်လာတိုင်း အဖတ်မတင်ဘဲ ကုန် သွားသည်။
ရှေးအခါက သူကြွယ်မတစ်ဦးသည် အရွယ်ရောက်လာသော သားအား သင့်လျော်သော အမျိုး သမီး တစ်ဦးနှင့် လက်ထပ်ထိမ်းမြားပေးရာ သားသမီး မထွန်းကားသဖြင့် သားဖြစ်သူအား အခြား အမျိုးသမီးတစ်ဦးနှင့် လက်ဆက်စေပြန်သည်။ ပထမဇနီးသည် နောက်ဇနီးအား သားသမီး မထွန်း ကား စေလိုသဖြင့် ပဋိသန္ဓေပျက်စီးအောင် အကြိမ်ကြိမ် ပြုလေသည်။ ထို့ကြောင့် ဒုတိယဇနီးသည် သေဆုံးရလေသည်။ သူတို့နှစ်ဦးသည် မသေဆုံးမီ လက်စားချေနိုင်ကြောင်းဆုတောင်းခဲ့ရာ ကြက်နှင့် ကြောင်ဘဝတွင် ကြက်မွေးသမျှ ကြောင်က စား၍ ကျားနှင့် သမင်ဘဝတွင် သမင်မွေးသမျှကို ကျား က စားပြန်သည်။ နောက်ဆုံး ဘီလူးမနှင့်လူဘ၀ရောက်မှ မြတ်စွာဘုရားသခင်၏ အဆုံးအမကြောင့် ရန်ပြေငြိမ်း ရလေသည်။
ခုဒ္ဒကနိကာယ်၊ ဓမ္မပဒ၊ ယမကဝဂ်၊ ၄-ကာဠီယက္ခိနီဝတ္ထု။
No comments:
Post a Comment