ကျေးဇူးရှိမှ ကျေးစွပ်သည်
အချို့သောလူတို့သည် မိမိ၏ကောင်းကျိုးကို ဆောင်ရွက်ပေးသော ကျေးဇူးရှင်ကိုမှ ကျေးဇူး ကန်းတတ်ကြသည်။
ရှေးသောအခါ လူတစ်ယောက်အိမ်၌ ကြက်ဆူပင်သည် ရှိသတည်း။ ထိုအိမ်ရှင်လည်း နွားမွေး၏။ ကြက်ဆူပင်စောင့် နတ်လည်း အိမ်နှင့် နီးသောကြောင့် ငါနေသောသစ်ပင် မပျက်မစီး ပေသည်ဟူ၍ ထိုအိမ်ရှင်ကို မ စကြည့်ရှုလေသတည်း။ မ စကြည့်ရှု သောကြောင့် ထိုအိမ်ရှင်သည် စည်းစိမ်ချမ်းသာ များစွာ တိုးတက်သတည်း။ တစ်ရံရောအခါ အိမ်အနောက်၌ နွားခြံလုပ်သော် ထိုကြက်ဆူပင်ကို ထွင်း၍ တံခါးကျည်း ထည့်ရှိုသတည်း။ ကြက်ဆူပင် စောင့်နတ်လည်း ငါ မစ၍ စည်းစိမ်ချမ်းသာ ရှိပါလျက် ငါ့ဗိမာန်ကို ထွင်း၍ တံခါးကျည်း စွပ်ဘိသည်။ ငါ့ကျေးဇူးရှင် ကိုပင် ကျေး(ကျည်း) စွပ်သည် ဟူ၍ ကြက်ဆူပင် စောင့်နတ် ဆိုသော စကားကို လိုက်၍ ယခုတိုင်အောင် ကျေးဇူးရှင်ကို ကျေးစွပ်သည် ဟူ၍ ဆိုရိုးပြုသတည်း။ ။ ထို့ကြောင့် အကြင်သူတို့သည် ကျေးဇူးပြုသော သူကို ကျေးဇူး တုံ့ဆပ်ရာသည်။ သူ့ကျေးဇူးကို မချေရာ။ ကျေးဇူးချေသောကြောင့် အကျိုးယုတ်လျက် ပျက်စီးဖူး လေသည်။ မြတ်စွာဘုရားလည်း ကတညုတာစ - သူ့ကျေးဇူးကို သိရခြင်းသည် လည်းကောင်း ဟူ၍ ဟောတော်မူသည်။
လောကပညတ္ထိ။ ၃၄။
No comments:
Post a Comment